Bavarois aux fraises
السلام عليكم ورحمة الله تعالى وبركاته
هاد الوصفة خديتها من عندي صديقتي خذيجة
بالنسبة للجنواز
4البيضات
125غرام من السكر
1فاني
نطربوووهم مزيان حتى يبياض الخليط
من بعد نضيفو 125غرام من الدقيق مخلط مع 1 خميرة الحلوى
بملعقة خشبية وحنا كنحركو بشوية من التحت للفوق
ندخلوها للفرن طيب مكتاخدش وقت بزاف من 10 حتى ل 15 دقيقة
نعملوها فاطار او المول اللي كيتحل من الجوانب
نسقيوها باي سيرو متوفر
بالنسبة للطبقة الاولى
نطحنو الفريز ونزيدو ليه السكر ونحطوه فوق النار
من بعد نضيفو ورقتين من الجيلاتين بعد مانكونو رطبناهم فالماء
غير يذوبو نحيدوهم من فوق النار ونخليو الخليط يبرد
نصاوبو الكريم فريش
ملي يبرد الفريز نزيدوه للكريم فريش
نعملو الطبقة الاولى فوق الكيك وندخلوه للثلاجة ليلة كاملة
الطبقة الثانية نطحنو الفريز ونظيفو ليه السكر والجيلاتين
نعملوه فوق طبقة الكريم فريش وندخلوها للثلاجة مرة تانية على الاقل ساعتين
نزينو الوجه بقطع الفريز