كوكلي مبخر
السلام عليكم ورحمة الله تعالى وبركاته
نوجدو اولا الشرمولة واللي معروفة خاصة بالدجاج
درت الزيت البلدية والرومية
ملح,ابزار,اسكنجبير,زعفران,العطرية ديال الدجاج,الثوم,زعفران حر,عصير نصف حامضة,قزبور ومعدنوس واخيرا الهريسة
كانكونو من قبل دهنا الكوكلي بالموطارد ونديروه فالشرمولة
يستحسن نشرملوه قبل الاستعمال بليلة كاملة
والى كنا غانعملوه للعشا نشرملوه فالصبااح
ونغطيوه
نديروهم كسكاس الكوكوت اللي درنا فيها من قبل الماء ونسدو عليهم ماكياخدوش وقت كثير فالطياب تقريبا نصف ساعة
ناخذو بصلة واحدة ونقطعوها نديروها فالزيت ملح ابزار فزبر ومعدنوس ونخليوها طيب
ملي طيب نزيدو ليها الشامبينيون
والشعرية الصينية اللي كانكون صلقنا فالما سخون من قبل ونخلطو كلشي
ملي كيطيب الكوكلي كندهنوهم بالزبدة وندخلوهم للفرن يتحمرو
وهاهوما واجدين رافقتهم مع البريوات ديال الدجاج حلويين