كيكة قدرة قادر
السلام عليكم ورحمة الله تعالى وبركاته
اولا نصاوبو الكراميل
كاس كبير من السكر نديروه فمقلاة فوق النار مع التحريك حتى يذوب كليا ويولي
كراميل
ناخذوا المول ونخويو فيه الكراميل كطبقة اولى
نصاوبو الطبقة الثانية المتكونة من
2بيضات
كاس الا ربع من السكر
70غرام من حليب غبرة نيدو
1فاني
ربع ملعقة من نيسكافي
2كيسان من الماء
نطحنو الكل جيدا فالخلاط الكهربائي لمدة دقيقتين
ونخويوه فوق الطبقة الاولى
الطبقة الثالتة والاخيرة اللي هي الكيك
2 بيضات
كاس الا ربع من السكر
نصف كاس من الحليب
نصف كاس من الزيت
1فاني
1خميرة الحلوى
2ملاعق صغار من الكاكاو
كاس من الدقيق
نخلطو الكل فالخلاط الكهربائي ونخويوه فوق الكيك
الكيك كيطيب ف Bain marie
نعملو صينية فيها ماء دافئ ونذخلوها للفرن
كتاخذ شوية الوقت فالطياب من 45 دقيقة الى ساعة
هاهو الكيك ملي طاب
كنخليه واحد ربع ساعة ونقلبوه فشي طبق وندخلوها للثلاجة من الاحسن ليلة كاملة
لانو كلما كان الوقت اللي خليناها فالثلاجة كثير كلما كانت النتيجة احسن
هاهي الان جاهزة