مسيمنات معمرين بالكفتة
السلام عليكم ورحمة الله تعالى وبركاته
بالنسبة لعجين المسمن كنحتاجو ل
250 غ ديال الدقيق
150غ ديال القمح او السبيسيال
ملح
شوية خميرة العجين
واخيرا الماء دافئ باش نجمعو العجينة
بالنسبة للعمارة
نحتاجو للبصلة مشلضة نديروها طيب مع الملح وزيت وابزار
ملي كاطيب البصلة كنضيفو ليها الكفتة
فالاخير نزيدو ليهم بيضة مطربة نخليوهم شوية على النار ونحيدهوم ونخليوها تاتبرد كليا
ملي كيبرد الخليط كنبداو نعمرو المسيمنات ديالنا
كنسرحوهم ونطيبوهم فمقلاه
وهاهوما واجدين