كراتان بالبطاطس والطماطم
السلام عليكم ورحمة الله تعالى وبركاته
هاد الوصفة ماخوذة من كتاب رشيدة امهاوش للكرتان
مع اضافة بعض التعديلات من عندي
اولا ناخذو البصل نقطعوه نضيفو ليه ملح ابزار زيت
ونخليوه يطيب من بعد نزيدو ليه الكفتة
نقطعو البطاطس على هاد الشكل ونديروهم فماء مملح
ونخليوهم يتصلقو مدة ربع ساعة او 10 دقائق
ناخذو الطماطم ونقطعوها ونستفوهم فصينية الفرن
ونضيفو عليها قليل من قطع الزبدة
وخليط اللي كانكونو وجدنا من قبل
قزبور ومعدنوس ,ملعقة زيت الزيتون,ملح,ابزار وثوم نخلطو مزيان ونضيفوهم للطماطم
ونحتافظو بنصف الخليط
نضيفو خليط البصل والكفتة
واخيرا قطع البطاطس ونضيفو ليهم الخليط اللي صاوبنا من قبل
ونظيفو ليه الفروماج وقليل من الخبز المحمص
نذخلوهم للفرن مدة نصف ساعة او 45 دقيقة حسب درجة الحرارة
وهاهو بعد اخراجه من الفرن
