طورطة بكريمة الفراولة
السلام عليكم ورحمة الله تعالى وبركاته
بالنسبة للكيك انا استعملت كيك عادي وقسمتو على زوج
مقادير الكيك
3بيضات
كاس من السكر
نصف كاس من الزيت
1دانون فاني
2خميرات الحلوى
1فاني
واخيرا 2كيسان من الدقيق
نطربو الكريم فريش مزياان
نصاوبو الكريم باتسيير نديروه فالطبقة الاولى بعد مانكونو سقينا الكيك
باي سيرو متوفر
ونضيفو قطع التوث
نديرو الطبقة الثانية ونغطيو الوجه كلو بالكريم فريش
وندخلوها للمجمد مدة نصف ساعة
نصاوب الكريمة
اللي عبارة عن ثوت مطحون نضيفو ليه السكر ونحطوه فوق النار
ضفت ليه قليييل من منكه غذائي بطعم الفراولة
كانكونو من قبل وجدنا الجيلاتين
اللي كنحطوه فماء بارد حتى يرطاب نعصروه مزيان من الماء ونضيفوه لخليط الفراولة باش يذوب
من بعد نزينو الجوانب اللوز ايفيلي محمر من قبل
وفالاخير التزين ضفت قليل من الملون للكريم فريش وعملت بيه الورود اللي فالجوانب
والكريمة درتها فوق الطورطة ودخلتها للمجمد مدة 20 جقيقة وزينتها من الفوق بخطوط الشوكولا
