البايـــــلا
السلام عليكم ورحمة الله تعالى وبركاته
أولا ناخدو الروز ونسلقوه فالماء مع الملح والزعفران وكنور ديال الحوث
ملي يطيب شوية نزيدو ليه الجلبانة ونخليوهم يتصلقو مزيان
ناخذو قطع الدجاج نزيدو ليه البصل ,ملح,ابزار,ورقة سيدنا موسى
زعفران واخيرا الثوم
حاجتنا كذلك للسمك الابيض والكروفيت وممكن نزيدو حتى الكلمار
انا مادرتوش
نضيفو ليهم الزبدة ,ملح,ابزار,الهريسة,ورقة سيدنا موسى,كنور ديال الحوث
ونخليوهم يطيبو ماكياخدوش وقت كثير
نقطعو الفلفة بانواعها التلاثة ونخليوها تتشحر فالزيت ملح وابزار
فالاخير خلطت الكل ودرتهم فمول وزينت بالفلفلة من الفوق وممكن نزيدو الطماطم المركزة انا خليتها بلاش
نزيدو ليها تقريبا 3معالق من الماء نغطيوها وندخلوها للفرن تقريبا 20 دقيقة على درجة 150
وهاهي بعد ماخرجناها من الفرن ونزينوها بقطع الحامض